收到魔法豆拋過來的blog tag蕉；好啦，我接蕉～～～
遊戲方式：
回答所有問題，並發一篇Blog在自己的網誌上！回答之前，請刪除一條你不喜歡的問題，另出一條問題代替；完成後，再點人繼續遊戲，並到這些人的Blog留言通知對方
1) 你自己最大的缺點？
好多噃，如下：
～～成日猶豫不決，等我救命就慘喇
～～有時ｄ嘢唔拖到最後一刻都唔做
～～成日大細路大唔透
～～見到靚仔（e.g.Gackt／玉木宏／苗橋偉／金城武）會流口水
．
．
．
2）你最鍾意什麼活動／運動？
同魔法豆一樣，係床上運動～～大覺瞓，假日多數三點不露
3）到目前為止，什麼令你最難忘？
最難忘係中七畢業果年，班主任同我地一齊整咗個時間錦囊，相約廿年後既十二月三十一日晚上十二點係淺水灣相聚～～好期待約定呢一日！！！
4）你曾經被多少人暗戀？
我刪除呢條
4）如果時間可以停止一分鐘，你希望停留在哪一刻？
一分鐘唔夠用喎！如果只可停止一分鍾，咁我要衝入去金鋪攞晒ｄ黃金～～而家金價高呀～～～（發達了～～）．．．不過好似離咗題添．．．
5）如果你走到人生的盡頭了，那在你人生最後的一段歲月，你會做什麼？
我會檢討自己呢生做過什麼，如有所缺我會即刻去做，唔比自己有遺憾；仲有，同我愛既人講多幾次我愛你
６）假如有一國家即時批准你擁有永久居留權，你想去邊個國家住？
我好貪心ｏ架一個國家點夠呀～～～我要去意大利＆法國～～可以不停睇fashion shows＆藝術展＆古建築物大教堂；瑞典＆丹麥～～因為天氣夠凍環境空氣好而且丹麥有我最鐘意既LEGO城～～～所有嘢都係用LEGO砌出嚟啊．．．重有重有．．．
７）假如神仙比一個願望你，你想要什麼？（不可回答要多Ｎ個願望！！！）
我要中六合彩頭獎～～之後我會向公司要求調職做Receptionist（我而家成日侯實呢個位），準時朝九晚五放工！
8）最欣賞自己身體哪個部份？
我諗係眼睛啩～～似我父母（但佢地話似阿嫲多ｄ）；其他部份就唔好講同貼圖喇
（p.s.抄襲逸之貼對眼出嚟～～哈哈哈～～～）
9）人生最快樂既一件事？
識到好多唔同既好朋友～～包括你地～～
10.）最令你遺憾的一件事？
最遺憾既係，在我最愛既外婆生前沒再好好關心孝順她．有叮噹既時光機既話，我要同婆婆講多幾次：婆婆，我愛妳
11）如果你可以選擇叮噹其中一件法寶，你會首選邊樣？
如上；
又或者我會選擇隨意門～～咁我可以朝朝瞓晏ｄ懶吓床先返工；而且去旅行唔駛比飛機票錢／交通費／酒店錢都慳番呀～～～（爽呀～）
p.s.而且最著數既係，一打開隨意門就可以見到Gackt／玉木宏／苗橋偉／金城武沖緊涼～～嘩～～
（就好似大雄一開隨意門後成日見到靜兒沖涼咁）
12) 如果可以讓你做透明人半小時，你會做什麼？
我會做兩件事：第一我會搵我個仇人打佢一鑊勁既等佢唔知發生什麼事；第二搵我鐘意既人失驚無神咁鍚佢一啖嚇吓佢，然後變番正常後話比佢知～～哈哈哈哈～～～～
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
好喇我接完呢隻blog tag蕉．．．論到雪雪，水十十月，Reila，可愛貓，cakecake，JO，心平接蕉！！！！！
～～
